《牆城》

《牆城》
The Walled City

「媽咪! 你睇下, 出面個天變左塊鏡呀! 」

「媽咪!」

「媽咪!」

「唔好嘈住媽咪啦, 功課做哂就乖乖地自己玩啦。」

「唔係呀媽咪，出面真係有塊鏡呀! 」

「得喇得喇, 轉頭先啦好唔好? 」

「… 轉頭返黎我地會有蘇民空為你搜查港股最新消息…… 特別新聞道, 本港上空出現巨大不明物體, 估計面積超過二千平方公里, 而家交俾方公升為我地報導現場情況。」

「我而家身處係尖沙咀碼頭，大家可以見到維港上空現正係俾一塊類似係鏡既半透明物體完全地籠罩住架。由於體積大太既關係，我地係冇辦法見到盡頭架。如果大家細心留意既話會見到呢塊類似鏡既物體正係以大概東九龍方向為中心緩慢甘轉動緊既。不明物體由五分鐘前出現到而家都睇唔到佢有任何特殊既變化, 但係街上面聚集圍觀既市民就愈來愈多。 好喇我而家交返俾廠裡面既同事為大家跟進最新消息。」

「典解會梗樣架? 禾既李氏裂牆呀, 係用左禾地最煎端既甩子科技去做成架, 全世界, 包括尾軍既雷突, 間跌為星呀, 都探測唔到禾地呢個裂牆出黎, 典解更日會無端端俾人見到架? 係唔係黃埔個發射基地出左問題? 」

「李生, 呃… 唔係, 力場系統運作完全冇問題…」

「冇雲睇? 冇雲睇梗典解會搞左更大壇野出黎架? 」

「係… 係… 既, 李生, 系統完全正常, 而係尋晚開始太陽風暴爆發出黎既電離子同我地既力場產生左共震, 令到力場既能量超過左臨界, 所以而家連肉眼都見得到。 其實唔止我地有事, 今朝早大陸, 美國同歐洲都跌左幾部間牒衛星落黎。」

「禾唔理你地嘜野太人風暴典係月亮風暴, 禾個裂牆連十號風球都可以腎不知鬼不覺梗擋得走。 而家唔理你地用嘜野方法, 都唔可以俾出面知道呢塊野就係禾地既李氏裂牆, 唔係既話禾要你同你班手下不突止冇最低工滋, 你地杏家連百佳個門口都唔洗旨意行哽一步! 」

「係… 係既李生。」

「喂, 權仔呀, 你都見到架啦, 你快d叫埋呀警成呀冰個佢地封鎖消息, 當嘜事都冇發生過, 然後叫天萌台出黎解釋呢個係嘜嘜麥麥天萌現象黎既, 千祈唔可以俾人知道呢裂牆既存在, 知道冇? 」

「係既老細，我會做好佢。」

「一小時後, 全港各區街上聚集了大批市民圍睹奇景, 全城陷入癱瘓狀態, 有人認為是未日將至, 亦有人趁機進行搶掠及破壞。  警方派出所有警力於各區維持秩序。 受到異象拖累, 恆生指數中午復市後累積跌幅超過二萬點, 港交所宣布停市。 貨幣市場方面, 港元被拋空, 金管局動用外匯儲備支持港元未果, 聯繫匯率受成立以來最大衝擊 。 與此同時, 大量市民通過羅湖, 落馬州等陸路口岸離境。 機場所有自即日起預定以及臨時航班機票亦全部售清, 但仍然有數千名市民於機場客運站輪候臨時機位。」

「政府發言人不斷透過廣播呼籲民眾冷靜, 並留守戶內留意最新消息。 又指本次事件純熟自然天文現象, 是由太陽黑子周期活動所噴發粒子流造成, 預計明早太陽表面活動減弱過後異象就會消失。」

「車! 政府成日當我地傻仔, 你估我地真係會信佢講野咩。 我甘大個人呀, 都未見過個天變成甘架。 你睇下, 全世界得我地呢度係甘架咋, 太陽黑子喎, 黑佢老鼠咩! 我話香港呢度就黎陸沉架喇。 老婆, 快手執埋d野著草, 睇下邊度仲收港紙將d錢換哂做人民幣又好印尼盾又好, 港紙冇用架喇。 喂! 老婆! 」

「哈哈哈哈哈哈! 今次發達喇! 哈哈哈哈哈哈……」

「喂老婆! 你痴q左線呀? 仲唔執野閃? 」

「今次一個二個都嚇到走哂, 仲大鑊過沙士, d樓價仲唔跌到媽都唔認得? 老公, 我地拿拿聲係太古城入返五六個單位, 等到d人返返黎我地仲唔發達? 」

「你都痴線架你! 呢度玩完架啦! 走啦! 」

「我唔走! 你要走就自己一個走, 仲有呀, 你咪使旨意攞我d錢去換印尼盾呀, 我一個仙都唔會俾你攞走! 」

李氏集團力牆控制中心一眾技術人員苦無對策, 為一可行方法只有暫時關閉力牆, 但關閉一刻正在與力牆產生共震之太陽粒子會逆向流入力牆發射系統將系統破壞。 估計最低程度損害亦需要三個月時間修復, 踏入風季, 颱風若成功登陸本港勢必會對李氏集團帶來巨額損失。

李氏集團轄下香港政府正與顧問公司商討對策, 但由於多位局長以及行政會議成員正外出休假未返, 解決方案至今仍未有確實時間表。

「李生… 雖然一個風季帶黎既損失可以用強積金去對沖, 但係最壞打算係力牆系統完全燒毀, 重新建造所需要既時間同成本就會……」

「豈有此理! 你班訓桶片時就話嘜都搞得典, 而家連一甩呢個咩咩太人乞子你地都搞唔典, 仲話要熄左禾個裂牆, 你知唔知四叔一路虎視單單, 睇下我死先典係佢死先。 如果個裂牆有咩差池既話, 你信唔信禾要你地盛世企係西人菜街sell寬頻!? 」

「唔好呀李生… 我地今次一定會搞得掂架。 俾多少少時間我地啦…」

「俾俾俾, 你地崩八實後淨係識得叫人俾…」

這時候, 李生突然收到一個來自內地長途長話。

「喂, 煮席。 係… 係既… 係… 係… 係… 禾眠白… 係… 係… 我笨事, 你放心。」

「你地天住, 而家有一過好大既間跌為星跌緊落黎禾地呢度, 煙該有成個足球場更大, 所以禾地個裂牆唔可以熄左佢, 要用黎典住。 啊, 禾而家有梗要事做要走先, 你地同禾係度好好梗睇住個裂牆。」

傍晚, 距離衛星墜落尚有一小時, 市面仍然一片混亂。 有市民不斷食雞蛋仔, 亦有人於天星碼頭裸泳至金紫荊廣場, 更有人企圖於東鐵路軌越過邊境, 最終被公安開槍阻止。

「咦, 你地快d睇下, 果塊野好似升高緊, 仲好似識發光甘喎。」

為迎擊下墜中之中共間牒衛星, 力牆控制中心將力場提升到海拔三千米高度, 並開啟最大反射功率, 港島普遍地區因而停電。而受到力牆能量增大影響, 除三流動網絡以外一切無線電通訊完全失效。

停電, 通訊受阻及異象影響之下, 市面陷入新一輪混亂。 原先決定留守本港的市民現已紛紛走到街上派發硬幣, 旺角, 尖沙咀碼頭, 灣仔行人天橋等地區有法輪功學員高呼天滅中共, 然後自焚, 消防員封鎖現場並將火警升為三級。

「嘩! 媽咪, 個天度有d好光既野呀! 」

「目標進入光學鎖定範圍。」

「下墜軌道修正完成,  誤差值百萬分之一。」

「力牆仰角修正完成。」

「力牆覆蓋範圍修正完成。」

「力牆反引力粒子散佈完成。」

「九龍坑山轉換站ready。」

「大帽山轉換站ready。」

「慈雲山轉換站ready。」

「上洋山轉換站ready。」

「南朗山轉換站ready。」

「赤柱轉換站ready。」

……

「黃埔中央轉換站ready。」

「最終安全鎖解除, 力牆反射率110, 120, 160, 240, 360, 380, 390, 400%」

「進入物理接觸最後倒數! 20, 19, 18, 17…」

此時此刻, 維港上空出現巨大螺旋光雲, 街上市民停止騷動, 皆靜觀天上異象。  正所謂人之將死, 其言也善, 整個城市一時間鴉雀無聲。

「10! 9! 8! 7! 6! 5! 4…」

在維港兩岸圍觀的民眾由此至終也不知道甚麼力牆﹑ 中共間牒衛星的存在。 並不是他們發夢也不會想到, 而是在營營役役的都市生活之中, 他們連發夢的時間也沒有。 然而在大難將至的一刻, 每個人似乎都有所覺吾, 想起了過去所說過的, 沒有說過的, 做過的, 沒有做過的, 重視的, 未曾重視的, 爭取過的, 沒有爭取過的, 相信過的, 從未相信過的…… 到這一刻, 才真真正正感受到自己所身處的, 正是此時此地。

鐵塔凌雲，望不見歡欣人面，

富士聳峙，聽不見遊人歡笑，

自由神像，在遠方迷霧，

山長水遠未入其懷抱，

檀島灘岸點點燐光，

豈能及漁燈在彼邦？

俯首低問何時何方何模樣，

回音輕傳此時此處此模樣，

何須多見復多求，

且唱一曲歸途上，

此時此處此模樣，此模樣。